١٠ تیم وەرگری شارستانی ئاگریگ لە عەلوەی نەجەف کپەو کەن
2021-06-22T11:43:11+00:00
شەفەق نیوز/ سەرچەوەیگ ئەمنی لە پارێزگای نەجەف، ئمڕوو سێشەممە، خەوەردا ک ئاگر گەورەیگ رەسیە عەلەوی سەوزە لەناوڕاس پارێزگاگە.
سەرچەوەگە ئەرا ئاژانس شەفەق نیوز وت: ئاگر گەورایگ لە علوەی سەوزە لە ناوچەی حەی سەلام لەناوڕاس پارێزگای نەجەف هەڵسیا، وتیش؛ ١٠ تیم سەروە وەرگری شارستانی توێنستن دویای چەن ساعەتیگ ئاگرەگە کپەو بکەن.. سەرچەوەگە دیاری کرد ک زەرەدەیلە گەپن، ک بڕیگ لە نووسینگەیل و یەخچاڵەیل سزیان، وتیش؛ تا ئیسە هووکارەیل ئاگرەگە ئاشکرا نەویە.
