تەقینەوەیگ لە زیقار و خوەیکوشتن گەنجیگ نەجەفی

شەفەق نیوز/ سەرچەوەیگ ئەمنی لە پارێزگای زیقار، ئمڕوو جمعه، خەوەردا لە پەلاماردان ماڵ کەسایەتییگ وەرزشی وە تەقینەوەیگ لە ناوڕاس پارێزگاگە.

سەرچەوەگە ئەرا ئاژانس شەفەق نیوز وت: کەسەیلیگ نەناسریاگ بومبیگ دانریاگ لە وەردەم ماڵ محمد خزەیر وەرپرس تیمە جەماوەریەیلە لە ناوچەی حەی شوهەدا لە زیقار  تەقاننەو.

سەرچەوەگە دیاری کرد ک تەقینەوەگە تەنیا بویە هووکار زەرەدەیلیگ دارایی لە روی ماڵەگە.

لە نەجەف، گەنجیگ لە باشوور پارێزگاگە خوەی کوشت.

سەرچەوەگە ئەرا ئاژانس شەفەق نیوز وت: گەنجیگ لە تەمەن ٢١ ساڵان لە ناو ماڵەگەی لە قەزای مەنازرە  خوەی وە سێدارە دا.