تەقینەوەیگ گیان ماسیگرەیلیگ لە سەڵاحەدین سینێد

شەفەق نیوز/ سەرچەوەیگ خۆجێیی، ئمڕوو شەممە، خەوەردا لە کەفتن دوو قوربانی لە ماسیگرەیل وە تەقین بومبیگ دانریاگ لە دەورگرد ناوچەی ئامرلی لە خوەرهەڵات پارێزگای سەڵاحەدین.

سەرچەوەگە ئەرا ئاژانس شەفەق نیوز وت: دوو گەنج لە ماسیگرەیل گیانیان لەدەس دان لەوەر تەقین بومبیگ دانریاگ لەمەوقەی تەقەلای ماسیکردن لە دەریاچەی (چای) لە دەورگرد ئاوای دەراویش لە کەرت زەنجیلی.

سەرچەوەگە وتیش: بومبەگە ئەندامەیل داعش دژوە مەدەنیەیلیە و ماسیگرەیل لەدەورگرد ئامرلی دانانەی، وتیش؛ دوو تەرمەگە وەرەو پزشک دادوەری بریان.