تەقەلای کوشتن سەرکردەیگ لە "مەجلس ئەعلا" لە نەجەف
شەفەق نیوز/ سەرچەوەیگ ئەمنی لە پارێزگای نەجەف، ئمڕوو سێشەممە، خەوەردا لە زەخمداری سەرکردەیگ لە (مەجلس ئەعلا) یەکیگ لە پیکاتەیل چوارچیوەی هەماهەنگی شیعی وە پەلاماریگ چەکدار لەناوڕاس شار نەجەف.
سەرچەوەگە وتیش: ئاگادارییگ رەسیە هیزە ئەمنیەیلە ک کەسیگ لە حەی جەمعیە لەناو ماشینەگەی مارکەی ئەلەنترا وەگولە زەخمدارە، و دەرکەفت ک کەسە زەخمدارەگە وەناو سەلمان محمد سولەیمان ئەترەفیە لەداڵگبوی ١٩٦٦ لە مەوقەی رویکردنی وەرەو ماڵەگەی لە گەڕەک موکەرەمە بویە.
سەرچەوەگە وتیش: زانیارەیل رویداوەگە باس ئەوە کەن ک یەکەم ماشینەگە گوڵڤیگ سیا بویە، ودویەمەگە نەناسیاگە، کەسەیلیگ لەناوی تەقە لە ئەترەفی کردنە و واینە، وتیش: ئەترەفی لەدەسیان وای تا رزگار خوەی بکەێد، تا لە حەی جەمعیە وسیا، وشانی وە گولە زەخمدار بویە، وئەو گولەیل دانەسە ماشینەگەی.
وتیش: مەفرەزەیگ لە بنکەی پۆلیس موجتەبا رەسیە شوین رویداوەگە وزەخمدارەگە رەسانە خەسخانەی سەدر، وداوای سکاڵا لەبان کەسەیلیگ نەناسریاگ توومار کرد.
