تیرۆرست قەناس وە دەسیگ لە کەرکوک دەسگیر کریا

شەفەق نیوز/ وەڕێەوبەرایەتی سەربازی سەر وە وەزارەت وەرگیری عراقی لە بەیاننامیگ رەسیە ئاژانس شەفەق نیوز وت، تیرۆرست داعشیگ قەناس وەدەس لە پارێزگای کەرکوک دەسگیر کردنە.   

وەڕێەوبەرایەتیەگە لە بەیاننامیگ ئمڕوو وت، " لە ئۆپراسیۆنیگ چۊنیەتی و چەودێری وەردەوام زیاتر لە دە رووژ و وە زانیاری فرە هۊردیگ مەفرەزیل هەواڵگیری سەربازی لە تیپ ۱٤ یەکیگ لە بەشەیل وەڕێەوبەرایەتی سەربازی دووپاتکرد ک تیرۆرستیگ لە قەناس وە دەسەیلە هالە کەرکوک". 

وتیش؛ لەوەر روشنایی ئەوە وە هاوکاری هێز رەمیلی لە فەوج دۊیەم لیوای پیادەی ۹٦، تیرۆریستەگە لە ناوچەی ئەلحەلوات قەزای حەویجەی سەر وە پارێزگای کەرکوک دەسگیر کریا.  دیاریکرد: ئەو كەسە وەگورەی مادەی چواری تیرۆر وەلایەن دادوەری داواکریایە.