بەنزین وە کارت زانیاری لە خانەقین
شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە وەرگردن مووڵەت لەبان میکانیزم بەشەوکردن نوویگ ئەرا سوتەمەنی لە خانەقین و دەورگرد ئیدارەیی لەبان کارت زانیاری.
سەرچەوەگە ئەرا ئاژانس شەفەق نیوز وت: لەبان داد هاووڵاتییەیل، ئەوەسا لە سوو جمعە یەک تەمووز، دەسکریەێدە بەشەوکردن گازۆیل و بەنزین ونەفت تەنیا ئەرا خەڵک خانەقین و جەلەولا وسەعدیە وقەرەتەپە وەبان کارت زانیاری ئەرا چارەکردن قەیران سوتەمەنی و مسۆگەرکردن بەشەوکردنی ئەرا گشت هاووڵاتییەیل ویەکسانی.
سەرچەوەگە باس هووکارەیل قەیران سوتەمەنی لە خانەقین وناحیەیلی لە سەعدیە و جەلەولا و قەرەتەپە لەوەر ئەوە بوی ک ماشین لە ناوچەیلیگتر تیەن لە خانەقین بەنزین و سوتەمەنی بەن.
وەرجەیە، خەڵک خانەقین داوا لە هیزەیل ئەمن ودەزگای ئەمن نیشتمانی کرد میکانزم بەشەوکردن سوتەمەنی ڕێک بخەێد ونەیلێد قاچاخی و فرووشتن نایاسایی لە گشت ناوچەیل خانەقین بوود.
