بەغداد.. دەسگیرکردن دوو توومەتبار مادەی هووشبەر و بازرگانیکردن وە مرۆڤ
شەفەق نیوز ـ بەغداد
سەرچەوەیگ ئەمنی، ئمڕوو دووشەممە، خەوەردا لە دەسگیرکردن پیای و ژنیگ لە ناوچەی کەرادەی بەغدا وەپای مادەی 28 لە یاسای هووشبەر، و دەسگیریا وەبان کەرەستەیل کیشان و تەرازوو ئەلکترۆنی کە وەپیان بوی و کە وە مەبەست بڵاوکردن مادەگە وەکاری هاوردنە.
لە رویداویگ جیا، سەرچەوەگە وە ئاژانس شەفەق نیوز وت، هێزەیل ئەمنی توومەتباریگ لەداڵگبوی 2006 دەسگیرکردن وەپای فەرمان مادەی 6 لە یاسای بازرگانیکردن وە مرۆڤ، یەیش لەدویای دانان کوڵە ئەرای لە ناوچەی حەی جیهاد بەغدا، لەدویای وەدویاچگن و لێکۆڵینەوەی ئەمنی.
سەرچەوەگە راگەیان هێزەیل ماڵ توومەتبارەگە وشنینە دەسگردنە وەبان قنینیە گاز بویچگ و فەندەک و لویلە کە ئەرا کیشان مادەی هووشبەر وەکارهاوریاس، و ئەو کەسەیلترەک کە لەناو ماڵەگەبوین کە دویەتیگ لەداڵگبوی 2009 دانشتگ هەولێر و دوو گەنج لەداڵگبویەیل 2004 و2003 بوین.
رادەس وەڕێوەبەرایەتی رویوەرویبوین بازرگانی وە مرۆڤ کریان ئەرا وەرگردن رێکار یاسایی وەرانوەریان.
