بۆرسەی عراق وەگەرد هەڵبژاردنەگە دەرەیلی بەسێد
2021-10-10T08:06:53+00:00
شەفەق نیوز/ بۆرسەی سەرەکی بەغداد و هەرێم کوردستان، وەگەرد دەسکردن وە هەڵبژاردن عراق، دەرەیلیان بەسان.
پەیامنێر ئاژانس شەفەق نيوز وت: بۆرسەی سەرەکی کیفاح و حارسیە دۊیای بڕیار حکومەت وە بەسیان دوکانەیل بازرگانی بیجگە دەرمانخانە و خواردەمەنی و سەوزە ونانەوا لەوەر هەڵبژاردن پەرلەمانی، دەرەیلیان بەسان.
پەیامنێرمان وتیش: بۆرسەی هەولێر پایتەخت هەرێم کوردستانیش دۊیای بڕیار حکومەت هەرێم وە راگەیانن پشۆی فەرمی وەبۆنەی هەڵبژاردن پەرلەمانی دەری بەسا.
خاوەن دوکانیگ خەرجکردن ئەرا ئاژانس شەفەق نیوز وت: بۆرسەی بەغداد بەسیاگە، و هەمیش گشت دوکانەیل خەرجکردن و مەزەنە کرد ک ئەرا ئیوارە دۊیای تەواوبۊن دەنگدانەگە بەشیگ لەی دوکانەیلە واز بکەن و دیاری کرد ک نرخ بۆرسەگە ئیوارەی دۊیەکە لەپای ١٤٨٣٠٠ دینار وەرانوەر ١٠٠ دۆلار ئەمریکی لەکار وسیا.
