بەرزەوبوین نرخ دۆلار وەگەرد بەسیان بۆرسەی بەغداد

شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، وەگەرد بەسیان بۆرسەی سەرەکی بەغداد، بەرزەو بوی.

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٤٧٠٠٠ دینار عراقی ١٠٠ دۆلار ئەمریکی دەرەیلیان بەسان، و شەوەکی ئمڕوو نرخ ١٠٠ دۆلار ئەمریکی رەسیە ١٤٦٠٠٠ دینار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو بوی، ک نرخ فرووشتن رەسیە ١٤٧٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٦٥٠٠ دینار عراقی.