بەرزەوبوین نرخ دۆلار لە بەغداد و کوردستان
2021-02-16T07:44:54+00:00
شەفەق نیوز/ ئمڕوو سێشەممە ١٦ی شوبات ٢٠٢١ ، نرخ دۆلار لە بۆڕسەی سەرەکی لە بەغداد و هەرێم کوردستان بەرزەو بوی.
پەیامنێر ئاژانس شەفەق نیوز وت: بۆڕسەی کیفاح وحارسیەی ناوەندی ئمڕوو، ١٤٦١٠٠ دینار عراقی وەرانوەر ١٠٠ دۆلار ئەمریکی تۆمار کردن.
دوێەکە دووشەممە بۆرسەی کیفاح ناوەندی لە بەغداد ١٤٥٩٠٠ دینار وەرانوەر ١٠٠ دۆلار ئەمریکی تۆمار کرد.
پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد بەرزەو بوی ک نرخ فرووشتن رەسیە ١٤٦٥٠٠ دینار عراقی، ونرخ سەنین رەسیە ١٤٥٥٠٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان نرخ دۆلار هەمیش بەرزەوبوین وەخوەی دی ک نرخ فرووشتن رەسیە ١٤٦٢٠٠ دینار وەرانوەر ١٠٠ دۆلار، و سەنین بویە ١٤٦٠٠٠ دینار وەرانوەر ١٠٠ دۆلار ئەمریکی.
