بەرزەوبوین نرخ دۆلار لە بەغداد و هەولێر
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، و هەرێم کوردستان بەرزەو بوی.
پەیامنێر ئاژانس شەفەق نيوز وت: نرخ دۆلار لە بۆرسەی سەرەکی کیفاح و حارسیە لە بەغداد پایتەخت، شەوەکی ئمڕوو، رەسیە ١٤٦٦٠٠ دینار عراقی وەرانوەر ١٠٠ دۆلار ئەمریکی.
رووژ پەنجشەممەی گوزەشتە، نرخ ١٠٠ دۆلار ئەمریکی رەسیە ١٤٦٤٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو بوی، ک نرخ فرووشتن رەسیە ١٤٧٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٦٠٠٠ دینار عراقی.
لە هەولێر پایتەخت هەرێم کوردستان، بۆرسە لە رووژەیل پشوو فەرمی کار نیەکەێد، باوجی نرخ فرووشتن دۆلار ئەمریکی لە دوکانەیل ئاڵشتکردن پویل رەسیە ١٤٦٣٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٦٢٤٠ دینار عراقی.
