بەرزەوبوین نرخ دۆلار لە بەغداد و داوەزین کەمیگ لە هەرێم کوردستان
2021-04-21T07:21:40+00:00
شەفەق نیوز/ ئمڕوو چوارشەممە، نرخ دۆلار لە بۆرسەی سەرەکی لە بەغداد بەرزەو بوی، و لە هەرێم کوردستان وەشیوەی کەمیگ داوەزیا.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغداد ١٤٨١٠٠ دینار وەرانوەر ١٠٠ دۆلار ئەمریکی تۆمار کردن.
دوێەکە سێشەممە نرخ دۆلار لە بۆرسەی سەرەکی کیفاح رەسیە ١٤٧٨٠٠ دینار.
پەیامنێرەگەمان ئاماژە کرد ک نرخ فرووشتن و سەنەین لە دوکانەیل ئاڵشتکردنەکان لە بازاڕە ناوخۆیەکان لە بەغداد بەرزەو بوی، ک نرخ فرووشتن رەسیە ١٤٨٧٥٠ دینار، و نرخ سەنین رەسیە ١٤٧٧٥٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان نرخ دۆلار داوەزین وەخوەی دی ک نرخ فرووشتن رەسیە ١٤٨١٠٠ دینار، و نرخ سەنین رەسیە ١٤٨٠٠٠ دینار وەرانوەر ١٠٠ دۆلار ئەمریکی.
