بەرزەوبوین نرخ تەڵا لە بازاڕەیل عراق
2022-04-30T10:15:05+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی عراق، ئمڕوو شەممە ٣٠ نیسان ٢٠٢٢ ، بەرزەو بوی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٣١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٨٩ هەزار دینار، و نرخ سەنینی رەسیە ٣٨٥ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی هەمیش بەرزەوبوین توومار کرد لەپای ٣٤٩ هەزار دینار، و نرخ سەنینی رەسیە ٣٤٥ هەزار دینار.
لەباوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای خەلیجی عەیار ٢١ هالە ناونی ٣٩٠ هەزار دینار و ٤٠٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣٥٠ هەزار دینار و ٣٦٠ هەزار دینار.
