بەرزەوبوین نرخ تەڵا لە بازاڕەیل عراق

شەفەق نیوز/ ئاژانس شەفەق نیوز لیستیگ وە نرخەیل تەڵای بیگانە و عراقی لە بازاڕە ناوخۆیەکان ئەرا ڕووژ دووشەممە، ١٢ی تەمووز ٢٠٢١ بڵاو کەێد.

لە بازاڕەیل بڕ فرووشەیل لە جادەی نەهر لە بەغداد، نرخ تەڵا بەرزەو بوی تا نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپایی بڕەسێدە ٣٧٠ هەزار دینار، و نرخ سەنینی رەسیە ٣٦٦ هەزار دینار.

نرخ فرووشتن یەک مسقاڵ عەیار ٢١ لە تەڵای عراقی رەسیە ٣٤٠ هەزار دینار، و نرخ سەنینی رەسیە ٣٣٥ هەزار دینار.

لەباوەت نرخەیل تەڵا لە بازاڕەیل زەڕنگەرەیل، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٧٥ هەزار و ٣٨٠ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٤٥ هەزار و ٣٥٠ هەزار دینار.