بەرزەوبوین نرخ تەڵا لە بازاڕەیل عراق

بەرزەوبوین نرخ تەڵا لە بازاڕەیل عراق
2021-08-24T08:55:48+00:00

شەفەق نیوز/ نرخ تەڵای بیگانە و عراقی لە بازاڕە ناوخۆیەکان ئەرا ئمڕوو سێشەممە ٢٤ ئاب ٢٠٢١ بەرزەو بوی.

پەیامنێر ئاژانس شەفەق نیوز وت، نرخ تەڵا لە بازاڕەیل بڕ فرووشەیل لە جادەی نەهر لە بەغداد،  بەرزەوبوین وەخوەی دی، تا نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپایی بڕەسێدە ٣٦٩  هەزار دینار، و نرخ سەنینی رەسیە ٣٦٤ هەزار دینار.

ونرخ فرووشتن یەک مسقاڵ عەیار ٢١ لە تەڵای عراقی رەسیە ٣٣٩ هەزار دینار، و نرخ سەنینی رەسیە ٣٣٤ هەزار دینار.

لەباوەت نرخەیل تەڵا لە بازاڕەیل زەڕنگەرەیل، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٧٠ هەزار و ٣٧٥ هەزار دینار، و نرخ فرووشتن یەک مسقاڵ تەڵای عراقی هالە ٣٤٠ هەزار و ٣٤٥ هەزار دینار.

Shafaq Live
Shafaq Live