بەرزەوبوین پلەی گەرمی.. کەشوهەوای عراق تا ناوڕاس هەفتەی ئایندە
دەسەگە لە بەیاننامەیگ رەسیە ئاژانس شەفەق نیوز وت: کەشوھەوای وڵاتەگە ئەرا سوو جمعە، لە ناوچەی ناوڕاس و باشوور رووشنە تا نیمچە ئەورە، و لە ناوچەی باکوور نیمچە ئەورە و شەوەکی تەم دروس بوود، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ بەرزەو بوود.
وتیش: رووژ شەممە، لە ناوچەی ناوڕاس و باشوور نیمچە ئەورە، و لە ناوچەی باکوور نیمچە ئەورە و جاروباریش ئەور تەواوە وەگەرد تەم سووکیگ مەوقەی شەوەکی، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ نزمەو بوود.
دیاری کرد کە رووژ یەکشەممە، لە ناوچەی ناوڕاس و باشوور ئەورە، و لە ناوچەی باکوور نیمچە ئەورە تا ئەور تەواوە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ بەرزەو بوود.
دەسەگە وتیش: کەشوهەوای وڵاتەگە ئەرا رووژ دووشەممەی ئایندە، لە ناوچەی ناوڕاس نیمچە ئەورە و بوودە ئەور تەواو، و پلەی گەرمی نزیک رووژ وەرجە خوەیە، و لە ناوچەی باکوور ئەور و وارانە، پلەی گەرمی کەمیگ نزمترەو بوود، و لە ناوچەی باشوور نیمچە ئەورە، و پلەی گەرمی کەمیگ بەرزەو بوود.
