بەرزەوبۊن نرخ دۆلار وەگەرد بەسیان بازاڕەیل بەغداد

شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، وەگەرد بەسیان بۆرسەی سەرەکی بەغداد پایتەخت بەرزەو بۊ.  

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان ١٤٧٥٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان. 

شەوەکی ئمڕوو، نرخ دۆلار رەسیە ١٤٧٤٠٠ دینار عراقی وەرانوەر ١٠٠ دۆلار ئەمریکی.   

پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە ک نرخ فرووشتن رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٠٠٠ دینار.