بەرزەوبۊن نرخ تەڵا لە بازاڕەیل عراق
2021-10-14T09:29:11+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد، ئەرا دۊیەم رووژە پشتەڵپشت، ئمڕوو پەنجشەممە ١٤ی تشرین یەکەم ٢٠٢١ بەرزەو بۊی.
پەیامنێر ئاژانس شەفەق نيوز وت: نرخ فرووشتن یەک مسقاڵ تەڵای خەلیجی و تورکی و ئەوروپایی لە بازاڕەیل بڕ فرووشتن لە جادەی نەهەر رەسیە ٣٦٩ هەزار دینار، ونرخ سەنینی رەسیە ٣٦٥ هەزار دینار.
پەیامنێرمان وتیش: نرخ فرووشتن یەک مسقاڵ عەیار ٢١ تەڵای عراقی بەرزەوبۊن وەخوەی دی لەپای ٣٣٩ هەزار دینار، و نرخ سەنینی رەسیە ٣٣٥ هەزار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٧٠ هەزار دینار و ٣٧٥ هەزار، و نرخ فرووشتن یەک مسقاڵ تەڵای عراقی هالە ناونی ٣٤٠ هەزار و ٣٤٥ هەزار دینار.
