بەرزەوبۊن نرخ تەڵا لە بازاڕەیل عراق

شەفەق نیوز/ نرخ تەڵای عراقی و  بیگانە لە بازاڕە ناوخۆیەیلەی بەغداد، ئمڕوو پەنجشەممە ، 17ی شوبات 2022    بەرزەو بۊی. 

پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە نەهر رەسیە 385 هەزار دینار، نرخ سەنینی رەسیە 381 هەزار، نرخ فروشتن رووژ چوارشەممە  383 هەزار دینار بۊی. 

پەیامنیرمان وتیش: نرخ فروشتن یەک مسقال تەڵای عراقی بەرزەوبۊین وە خوەی دی لە پای 355 هەزار دینار وە نرخ سەنینی رەسیە  351 هەزار دینار. 

لە باوەت نرخ تەڵا لە دوکانەێل زەرەنگەریل نرخ فروشتن یەک مسقاڵ تەڵای عەیار 21 خەلیجی ها لە ناوەنی 385 هەزار دینار و 395 هەزار دینار، نرخ تەڵای عراقی ها لە ناوەنی 355 هەزار و 365 هەزار دینار.