بڵاوبۊین ئۆمیکرۆن لە عراق

شەفەق نیوز/ سامان بەرزنجی وەزیر تەندروسی لە هەرێم کوردستان، ئمڕوو پەنجشەممە،  راگەیان توومارکردن پەنج تۊشهاتن وە ئاڵشتبۊی ئۆمیکرۆن لە پارێزگای دهۆک.     

بەرزنجی لە کۆنگرەیگ رووژنامەوانی،ئمڕوو، وت: تۊشهاتنەیلە لە یەک خیزانی و هانە پارێزگای دهۆک،  و لە دەیشت وڵاتەگە گلەو خواردنە.          

لەلای خوەییش،  وەزارەت تەندروسی و ژینگەی عراق، دووپاتکرد لە توومارکردن چەن تۊشهاتنیگ وە ئۆمیكرۆن،  ئەرا بڕێ لەوانەگ لەدەیشت وڵاتەگە هاتنەسەو.    

وەزارەتەگە لە بەیاننامەیگ ئمڕوو وت: ٥ تۊشهاتن وە ئۆمیكرۆن لە پارێزگای دهۆک توومار کریا، وهەمیش لەلای بڕێ لە دیبلۆماسییەیل بیانی لە بەغداد.