ئاواێگ لە عێراق 100 ساڵە ئاو و کارەبا وەپی نەرەسیە

شەفەق نیوز/ لە قۊڵایی بیاوانەێل عراق لە دووڵ حۆران لە پارێزگای ئەنبار، ئاواییگ وەرجە 100ساڵ دروس کریاگە، تا ئیسە ئاو و کارەبا ئەرایان نەکیشیایە، هۊیچ کەس لە ئاوایەگە تۊیش کۆرۆنا نەوییە و کەسیش ڤاکسین نەوردگە.    

ئاژانس هەواڵ فەرەنسا ڕاپۆرتێگ بڵاوکردیە باس کەێد، لە قۊڵایی بیاوانەیل عراق لە دووڵ حۆران لە پارێزگای ئەنبار، ئاواییگ وەرجە 100ساڵ دروس کریاگە، تا ئیسە ئاو و کارەبا ئەرایان نەکیشیایە، هۊیچ خەسەخانەێگ ئەرایان نەکریایە، تەنیا مەکتەو سەرەتایێگ دێرن.    

وەگورەی راپۆرتەگە، لەو وەختەی جیهان تۊیش ڤایرۆس کۆرۆنا هاتیە تائیسە کەس لەو ئاوایە تۊیش ئەو بیماریە نەهاتیە، ڤاکسین دژ کۆرۆنا وەرنەگردنە.    

لە ڕاپۆرتەگە هاتیە، نزیکترین بنکەی تەندروسی نیم ساعەت لە ئاوایگە دۊیرە.    

لە باوەت ژیانیان ڕاپۆرت ئاژانس هەواڵ فەرەنسا خستەڕۊی ک دانشتگەیلی تا ئیسە مۆبایل کۆنە وەکار تێرن، دەرێلیان ئاسنە ک مالەێلەیان وەیەکەو جیا کەێد، دیوار ماڵەیلیان وە خەرگ دروس کریایە، ماشین و ئامێر کۆنە لە کشاوەرزی وەکار تێرن، ئی ئاوایە وە تەواوای لە جیهان بریایە، مەردمەگەی وە کشاوەرزی و مەڕوماڵات ئیوەتکردن خەریکن، وە دەگمەن دەرچن ئەرا دێشت ئاوایگە.