ئامار نوویگ لە تویشهاتن و مردنەیل کولێرا و خوینوەربوین لە عراق

شەفەق نیوز/ وەزارەت تەندروسی عراق، ئمڕوو پەنجشەممە، ئامار تویشهاتن و مردنەیل پەتایل کولێرا و خوینوەربوین لە عراق راگەیان.

وەزارەتەگە لە بەیاننامیگ رەسیە ئاژانس شەفەق نیوز وت: تا رووژ سێشەممە ١٧ی ئاب، چوار تویشهاتن نوو وە بیماری کولێرا لە پارێزگای کەرکوک توومار کردیە، وەگەرد سێ تویشهاتن لە بەغداد پایتەخت، تا گشتی بوودە ٧ بیمار، وەبی مردن.

وەیەوە گشت شمارەی تۊشهاتنەیل کولێرا رەسێدە ٨٩٤ بیمار، و چوار مردن.

لەباوەت تەو خوینوەربوین، وەزارەتەگە یەک تویشهاتن نوو دویەکە لە پارێزگای زیقار توومار کرد، تا گشت شمارەی تۊشهاتنەیلی بوودە ٢٩٩ بیمار، و ٥٥ مردن.