پالەپەستۆی فرە نزمیگ لە سەرساڵ روی لە عراق کەێد
2023-12-16T12:45:15+00:00
شەفەق نیوز/ کەشناس عەلی جابر زیادی، ئمڕوو شەممە، مەزەنە کەد کەشوهەوای عراق واراناویەو بوود وە مدوو رویوەروی بوین وە پاڵەپەستۆی نزمیگ "چالاکی بەرز" لە کۆتایی ئەی مانگە کانوون یەکەمە، لە مەوقەی ئاهەنگ سەرساڵ میلادی کرێسمیس.
زیادی ە ئاژانس شەفەق نیوز وت،" مەزەنەیلە دیاریکەن کەشوهەوای نیمەرووی رووژ دووشەممەی ئایندە، کە رووژ (دەنگداین هەڵوژاردنەیل گشتیە) کەش سەردیگە وەگەرد داوەزیان پلەی گەرمی وە چوار پلە،وە مدوو دروسبوین ئەوریگ لە تەم و تەم لە شەوەکی شەفەقی.
وتیش " لە باکوور مەزەنە کرێد واران سوکیگ بوود، لە شارەیل ناوڕاس ئەورەیلە جەمەوبوون وەگەرد ناوچەیل بەغدای پایتەخت و ئەنبار و کەربەلا، بوودە هووکار کەشوهەوای سەردیگ، کەشوهەوای پارێزگەیەیل باشوور مامناوەندە باوجی لە رووژ ئایندە کەفێدە وەر کاریگەری شەپوول سەردیگ".
