کازمی: دوویەم گەوراترین کەس لە داعش وەگەرد دەیان لە سەرکردەیل کوشتیمن
شەفەق نیوز/ موستەفا کازمی سەرۆک ئەنجومەن وەزیران فەرماندەی گشتی هێزە چەکدارەکان، ئمڕوو شەممە، راگەیان کوشتن دوویەم گەوراترین کەس لە ریخریاگ داعش وەگەرد دەیان لە سەرکردەیل لە ئۆپراسیۆنە ئەمنی و سەربازیەکان لەماوەی گوزەیشتە.
کازمی لە کۆنگرەی زانستی ناودەوڵەتی ئەرا دەزگای دژە تیرۆر، وەگورەی بەیاننامەیگ رەسینە ئاژانس شەفەق نیوز وت: دەزگای دژە تیرۆر وەئاست تەنا و وەرپرسایەتی بوی و وەشیوەی گەورایگ دەسی لەناو جەنگەیل رزگارکردن دژوە خەواریج سەردەمەگە چەتەیل داعش تیرۆرست بوی.
وتیش؛ تیرۆر بویە سەختییگ جهانی و عراق وەشیوەی گەورایگ لەنواگردنی هووکار بوی، و دووپات کرد ک عراقیەکان دەسمیەتی جهان دان لە قورتاربوین لە سایەڵ تیرۆر ک وەزوی بڵاوی بوی و برادەرەیل فرەیگ وەگەرد عراق وسیان بەڵکم ئەو سەرکەفتنە لە کۆتایی سەرکەفتنیگ عراقی بوی، و بایەدە عراقیەکان هەست وە شانازی بکەن چوونکە جەنگ تیرۆر لەجیای خوەیان و گشت جهان کردن.
