پارتی گریەی سەرکەفتن هەڵبژاردەکان لە نەینەوا بەسێدە چارەسەرکردن ناوچە ئاژاوەکان

پارتی گریەی سەرکەفتن هەڵبژاردەکان لە نەینەوا بەسێدە چارەسەرکردن ناوچە ئاژاوەکان
2021-03-26T12:56:55+00:00

پارت دیموکرات کوردستان، ئمڕوو جمعە، گریەی سەرکەفتن و ئامادەبوین نەینەوا ئەرا هەڵبژاردەکان بەسادە چارەسەرکردن ئاژاوە ئەمنیەکان و کۆمەڵایەتیەکان لە ناوچەیل خوەرائاوای پارێزگاگە و کامپەیل ئاوارەکان.

بەرەکات شەمۆ وەرپرس فراکسیۆن پارتی لە ئەنجومەن هەڵوەشیای پارێزگای نەینەوا ئەرا ئاژانس شەفەق نیوز وت: هەڵبژاردن پەرلەمانی گریەبەسە وە ئامادەکردن کەشوهەوا ئەمنیەکان و کۆمەڵایەتیەکان لە گشت پارێزگاگە و مسۆگەرکردن بەشداریبوین گشت پێکاهتەیل وەشیوەیگ یەکسان و گشتگیر.

شەمۆ ئاماژە کرد ک ناوچەیل شەنگال و دەورگردی ئامادەی ئەنجامدان هەڵبژاردنەگە نیین، لەوەر ئاژاوە ئەمنی و کۆمەڵایەتییەگە وهەسی بزووتنەوە نا یاساییەکان و حیزبەکان و پەککەفتن رێککەفتن بەغداد- هەولێر ئەرا گونجانن رەوشەکان و هاوردنەوی ئاوارەکان ئەرا ناوچەیلیان.

وتیش؛ هیمان بەشیگ لەناوچەیل نەینەوا زیان لە دیرکەفتن ئاوارەیل و هەستی کامپەیلیگ لە دەیشت پارێزگاگە وەخوەیان دوینن، ک ئی کارە دەرفەتەیل بەشداریکردنیان لە هەڵبژاردن کەمەو کەێد.

شەمۆ وتیش؛ ناوچەیلیگ ئامادە هەس لایەن ئەمنی و کۆمەڵایەتی ئەرا ئەنجامدان هەڵبژاردن، وەگەرد بەرنامەی کۆمسیۆن و لایەنە پەیوەندیدارەکان لە ئامادەبوین ئەرا هەڵبژاردنەکان، بەڵکم نووەبویەیل خراویگ لەلایەن ئەمنی و لایەنەیلیگ تر هەس ک شایەت رەوشەیل ئیسە ئاڵشت بکەن و هەڕەشەی هەڵبژاردنەکان بیەن.

Shafaq Live
Shafaq Live