ئارامگرتن نرخ تەڵا لە بازاڕەیل عراق
2021-10-18T09:33:51+00:00
شەفەق نيوز/ نرخ تەڵای بیگانە و عراقی لە بازاڕە ناوخۆیەیلەی بەغداد، ئمڕوو دووشەممە ١٨ی تەشرین یەکەم، ئارام گرت.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیچی و تورکی و ئەوروپایی لە بازاڕەیل بڕ فرووشتن لە جادەی نەهەر رەسیە ٣٦٣ هەزار دینار،و نرخ سەنینی رەسیە ٣٥٩ هەزار دینار.
پەیامنێرمان وتیش؛ نرخ فرووشتن یەک مسقاڵ عەیار ٢١ لە تەڵای عراقی ئارامی وەخوەی دی لەپای ٣٣٣ هەزار دینار، و نرخ سەنینی رەسیە ٣٢٩ هەزار دینار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٦٥ هەزار دینار و ٣٧٠ هەزار، و نرخ فرووشتن یەک مسقاڵ تەڵای عراقی هالە ناونی ٣٣٥ هەزار دینار و ٣٤٠ هەزار دینار.
