ئارامگرتن نرخ تەڵا لە بازاڕەیل عراق
2021-11-01T09:31:54+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد، ئمڕوو دووشەممە ١ تەشرین دۊیەم ٢٠٢١ ئارام گرت.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیچی و تورکی و ئەوروپایی لە بازاڕەیل بڕ فرووشتن لە جادەی نەهەر رەسیە ٣٦٦ هەزار دینار، و نرخ سەنینی رەسیە ٣٦٢ هەزار دینار.
پەیامنێرمان وتیش؛ نرخ فرووشتن یەک مسقاڵ عەیار ٢١ تەڵای عراقی هەمیش ئارامی وەخوەی دی لەپای ٣٣٦ هەزار دینار ، و نرخ سەنینی رەسیە ٣٣٢ هەزار دینار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٦٥ هەزار دینار و ٣٧٠ هەزار دینار، ونرخ فرووشتن یەک مسقاڵ تەڵای عراقی هالە ناونی ٣٣٥ هەزار و ٣٤٠ هەزار دینار.
