کابرایگ لە کەربەلا پیاویگ وە چاکووش کوشێد
2021-07-16T12:24:18+00:00
شەفەق نیوز/ فەرماندەی پۆلیس کەربەلا، ئمڕوو جمعە، راگەیان تاوانیگ لەناو یەکیگ لە گەڕەکەیل شارەگە کەفتە وەر پیاویگ ٣٦ ساڵان.
فەرماندەگە لە بەیاننامەیگ ئمڕوو وت: دویای خەوەردان وە بەش دژە تاوان ک ترمیگ هالە ناو ماشینیگ سۆناتا لە گەڕەک ئیتارات، روی وەرەو شوین رووداوەگە کریا و تەرمەگە پەیا کریا، و دەرکەفت ک وە چاکووش ئاسن چەن جاریگ دریاسە سەری.
بەیاننامەگە وتیش؛ دویای تەقەلایل وەردەوامیگ و هاوکاری لەناوبەین ئەو بەشەیل پۆلیس لە پارێزگایلە، دەرکەفت ک بکوشەگە وەرەو شار ناسریە وایە چوینکە کەسوکارەیلی هانە ئەولا.
وتیش؛ وە پەیوەندی وەردەوام، تاوانبارەگە دەسگیر کریا و ئاشکرای کردەوی خوەی لە کوشتن قوربانیەگە کرد لەوەر ناکۆکیەیلیگ لەناوبەینیان.
