پەیاکردن "سوخان نەناسریایگ" لەناو ئاودەسەیل مەکتەویگ لە بەغدا

شەفەق نیوز  ـ بەغدا

سەرچەوەیگ ئەمنی، ئمڕوو سێشەممە، خەوەردا لە پەیاکردن سوخان نەناسریایگ لەناو ئاودەسەیل ئامادەیی قاهرەی نمونەیی، لە ناوچەی حی قاهرە لە بەغدا.

سەرچەوەگە وە ئاژانس شەفەق نیوز وت، ئەو سوخانە پەیاکریاس هێمان دیارینەکریاس هن ئایەمە یا ئاژەڵ، دیاریکرد پسپۆر بەڵگە تاوان ناسی ئامادەبویە ئەرا دیاریکردن سروشتەگەی.