پەیاکردن تەرم مامر فرووشیگ داعش شکەنجەی داگە لەناوچەیگ دابڕیاگ
2021-01-16T07:29:36+00:00
شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە پەیاکردن تەرم کەسیگ کار لە مامر فرووشتن کەێد، ریخریاگ داعش کوشتگەسەی و بازی وە تەرمەگەی کردگە، لە دەورگرد ناحیەی جەلەولا لە پارێزگای دیالە.
سەرچەوەگە ئەرا ئاژانس شەفەق نیوز وت: ئەندامەیل ریخریایە توندڕەوەگە، دوێەشەو لە وەخت دیریگ، ماشینیگ مامر فرووشتن کردنە ئامانج، و خاوەنەگەی کەفتە دەسیان و کوشتنەی.
لە باوەتیگ هاوشیوە، خود سەرچەوەگە خەوەردا ک ئامار پەلامارە هەڕەمەکیەگە لەبان گەڕەک شوهەدا لەدەورگرد ناحیەی جەلەولا رەسیە یەک قوربانی و سێ زەخمدار.
وەرجەیە، سەرچەوەیگ ئەمنی لە دیالە خەوەردا ک چەکدارەیلیگ گومان کریەێد لە داعش بوون، تەقەی هەڕەمەکی لە بان گەڕەکەگە کردن و دوو ئەندام ئەمنی و یەک مەدەنی زەخمدار کردن.
