ئاگر نادیاریگ لە پیەڵیگ لە ژیر دروسکردن هیز گرێد لە باشوور عراق
2023-06-03T13:52:23+00:00
شەفەق نیوز/ وەچەودیەیلیگ لە پارێزگای موسەنا، ئمڕوو شەممە، خەوەردان لە ئاگر گەورەی نادیاریگ لە پیەڵ گەپیگ لەژیر دروسکردن ناوڕاس پارێزگاگە هیز گرد.
وەچەودیەیل ئەرا پەیامنێر ئاژانس شەفەق نیوز وتن: ئاگرەگە لە قاڵەب چوو ئامادەکردن ئەرا کۆنکریت پیەڵ سەدرەین ناوڕاس شار سەماوە هیز گرد.
وتنیش؛ هیزەیل وەرگری شارستانی رەسینە شوین رویداوەگە تا ئاگرەگە کپەو بکەن.
زانیاریەیل نشان دەن ک لە لێکۆڵینەوەی سەرەتایی دەرکەفت ئەو ئاگرە وە شۆرتیگ کارەبایی یا هەڵەی یەکیگ لە کراکارەیل بویە.
وەگورەی زانیاریەیل، ئەرا نزیکەی چوار مانگ مار لەو پیەڵە وسیەێد تا ئەوەنە دووارە چوو قاڵەبەگەی چنیەێد.
خەرج گشتی پیەڵ سەدرەین لە موسەنا زیاتر لە ٦٠ ملیار دینار عراقی رەد کەێد.
