ئاگر ماڵ وەرپرسیگ کۆمیسیۆن هەڵوژاردنەیل سزنێد لە دیالە
2023-12-19T17:35:16+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە هیزگردن ئاگریگ لەناو ماڵ وەرپرسیگ لە نویسینگەی کۆمیسیۆن هەڵوژاردنەیل پارێزگاگە.
سەرچەوەگە وە ئاژانس شەفەق نیوز وت، ئاگرەگە ماڵ وەڕێوەبەر راگەیانن نویسینگەی هەڵوژاردنەیل دیالە سەلام مەهدی موراد سزانییە لەناوڕاس بەعقوبە هووکار ئاگرەگە "شۆرت کارەبایی بویە".
دووپاتکرد تیمەیل کپەوکردن ئاگرەگە کپەوکردنە، دیاریکرد دەسڵاتدارەیل ئەمنی لێکۆلینەوە لە رویداوەگە وازکردنە.
