ئاگرەگەی خەسخانەی سەلام لەو باوەڕەن وە ئەنقەست کرياس
2024-02-27T15:57:58+00:00
شەفەق نیوز/ سەرچەوەیگ ئەمنی لە نەینەوا، ئمڕوو سێشەممە، ئاشکەرایکرد ئەو ئاگرەی لەناو ئەمارەگەی خەسخانەی مووسڵ هیزگردیە "لەوباوەڕەن" وە "ئەنقەست"کریاس.
سەرچەوەگە وە ئاژانس شەفەق نیوز خەوەردا "پۆلیس نەینەوا لێکۆڵینەوە لە رویداوەگەی هیزگردن ئاگر ناو خەسخانەی سەلام باشوور خوەرهەڵات موسڵ وازکردیە" وتیش وەپای لێکۆڵینەوە سەرەتایەگان دەرچگە رویداوەگە "لەوباوەڕەن" وە ئەنقەست کەسیگ ئەنجامی دایە وەپای ئەوەگ لە کامیرایەیل چەودێری دەرچگە، وتیش لێکوڵینەوە سەرەتایەگان وەردەوامە ئەرا زانین هووکارەگەی".
وەرگیری شارستانی نەینەوا راگەیان کۆنترۆل ئەو ئاگرە کردنە کە شەوەکی ئمڕوو لەناو ئەمار فلتەر وەکارهاتی خەسخانەی سەلام لە شار مووسڵ هیزگردوێد وەبی ئەوەی کەلەمەداری بوود 37 بیمار لەناو قایشەیلە دراوریانە.
