دمناڵیش لە رووژ جەهانییان هاناویان...زەخمداری وە رویداو ئاگریگ لە مووسڵ
2022-06-01T14:02:11+00:00
شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا لە زەخمداری چەن کەسیگ وە رویداو ئاگر کەفتن لە دوکان ئاڵشتکردن روین ماشین لەشار موسڵ سەر وە پارێزگای نەینەوا.
سەرچەوەگە وە ئاژانس شەفەق نیوز وت،چوار کەس ک دوانیان مناڵن تویش زەخمداری بوینە لەئەنجام سزیان دوکان ئاڵشتکردن روین ماشین لە کویچەی نەجار لە لای راس موسڵ.
سەرچەوەگە وتیش، هووکار ئاگرەگە شۆرت کارەبایی بویە ک بویەسە هووکار سزیان دو ماشین، وتیش دو مناڵەگە لەناو دووکانەگە کارکردنە.
