ئيران هوشداری لە قەیران ئاو دەێد و داوا لە مەردم تەهران کەێد کەم ئاو وەکاربارن

شەفەق نيوز- تەهران

دەسەڵاتەیل ئیران، ئمڕوو یەکشەممە، هوشداری دان لە قەیران ئاویگ تاسن، داوا لە خەڵک تەهران پایتەخت مردن گرنگە کەم ئاو وەکار بارن.

مەهدی جمران سەرۆک ئەنجومەن شار تەهران وت: وەڕیەوبەر گشتی کۆمپانیای سەرچەوەیل ئاو لە تەهران، تەقەلا دەێد ئاو ئەرا پایتەخت دابین بکەێد تا زوورەگەی کەمەو بوود، و بایەسە خەڵکەگە خوەیان کەم ئاو وەکار بارن تا نەیلن زیاتر داوەزێد.

 جمران وەگورەی ئاژانس ئیرانی "ئیسنا" وت: "بەدبەختانە، گیچەڵەگە زیایەو بوی، و ئومید خوازم بتوەنیمن وەگەرد کۆتایی تاوسان یەکیگ لەو پڕۆژەیلە تەواو بکەیمن ئەرا چارەکردن قەیرانەگە.

وەرجەیە، مەسعود پزیشکیان سەرۆک ئیران وت: گەیچەڵ کەم ئاوی کاریگەری لەبان گشت کەرتەیل دەوڵەت لە ژیان گشتی دیرێد، ئەراوە بایەسە چارەگە گشتگیر و ریشەیی بوود.

ئاژانس ئیرانی "تەسنيم" وت: 30% لەو ئاوە کە تەهران وەکاری نیارێد لە سەرچەوەیل ژیرزەوی ژیر شارەگە و ئەو 70%ەگە لە پەنج ئەمار ئاو دەورگرد شارەگەس.

ئاژانسەگە وتیش: تا 15ی تەممووز/ يوليو، ئاست ئاوەگە لەناو هەر ئەماریگ وەشیوەی گەورەیگ داوەزیا ئەرا 7% لە ئەمار "لار"، و10% لە "ماملو"، و43% لە "لتيان"، و37% في "ئەمير كەبير"، و52% في "تاليغان".