ئيران.. دەسگیرکردن 53 کەس وە توومەت "پەیوەندیکردن" وەرد ئیسرائيل
شەفەق نيوز/ پولیس ئیران، ئمڕوو یەکشەممە، 53 کەس وە توومەت وەکارهاوردن درۆزن و وینەگردن بارەگایەیل گشتی و ستراتیژی لە پارێزگای فارس باشوور ئیران دەسگیر کرد.
لیوا یوسف مەلەکزادە جیگیر فەرماندەی پولیس پارێزگاگە ئەرا ئاژانس "تەسنيم" ئیرانی وت: دەسگیرکردن ئەو کەسەیلە لە چوارچیوەی تەقەلایەیل خەسیگ هات ئەرا ئاشکراکردن و دەسگیرکردن ئەو کەسەیلە کە هاوکاری وەرد قەوارەی سەهیۆنی کەن، و ئەوانەگ کەس دیرن لە شیوانن رای گشتی یا کارەیل هەواڵگری لەناو وڵات جیوەجی کەن.
وتیش: توومەتەیل لە هەڵگرتن درۆنەیل بویچگ یا کەرەستەیلیان بویە یا وینەگردن شوینەیلیگ ناسک، و کلکردن وینەیل ئەرا میدیا دوژمنەیل لە دەیشت.
وتیش: دەسنریا وەبان 16 درۆن بویچگ، و دووپات کرد کە دەزگایەیل ئەمنی وەردەوامن لە وەشوینکەفتن هەر کاریگ گومانی هەڕەشەی ئاسایش و ئارامی وڵات بەێد، وەتایبەت لەسای ئی رەوشەیل هەرێمی ناسکە.
