گولەی ویڵیگ دویەتیگ خوەنەوار کورد لە لادقیە کوشێد

شەفەق نیوز/ دویەتیگ کورد، ئمڕوو جمعە، دویای زەخمداریی لە ئەنجام جەنگ ناوەین ئەمن سوری و چەکدارەیل لە لایەنگرەیل بەشار ئەسەد سەرۆک رژیم وەرین سوریا، گیانی لەدەسدا.

 پەیامنێر ئاژانس شەفەق نیوز وت: ئەو دویەتە وەناو شیندا عادل کەشور خوەنەوار کوردە لە ساڵ یەکەمی لە کۆلێژ پزشکی، دویای زەخمداریی وە گولەی ویڵیگ لە ئەنجام جەنگ دویەشەو پەنجشەممە لە شار لادقیەی سوریا، ئمڕوو گیانی لەدەسدا.

وتیش: دویەتەگە خەڵک شار قامشلۆ باکوور خوەرهەڵات سوریاس، و پزشکی خوەنێد لە لادقیە.

دویەشەو پەنجشەممە، جەنگ سەختیگ کەفتە ناوەین هیزەیل حکومەتی سوریا و گرووپەیل چەکدار لە لایەنگرەیل ئەسەد لە پارێزگای لادقیە، کە بویە هوکار دەیان کوشیان، وەگورەی روانگەی ماف مرۆڤ سوریا.