پولیس ئیسرائیل ژنیگ دەسگیر کەێد پلان ئەرا کوشتن نتنیاهۆ داشتیە

شەفەق نيوز- خوەرھەڵات ناوڕاس  

پولیس ئیسرائیل، ئمڕوو چوارشەممە، ئاشکرای لێکۆڵینەوەیگ کرد لە پلان کوشتن بنیامین نتنیاهو سەرۆک وەزیرەیل، وە سەرپەرشتیاریی خانمە چالاکوانیگ ئیسرائیل لە تەل ئەبیب دانیشتگە،  دیاری کرد کە ئەو ژنە دەسگیر کردگە.

  قسەکەر پولیس لە بەیاننامەیگ وت: یەکەی لێکۆڵینەوە لە تاوانە رخباریەیل و ناودەوڵەتیەیل  (Yachbal) و هاوکاری وەرد دەزگای ئاسایش گشتی (Shin Bet) لێکۆڵینەوە جیوەجی کریا، لەبان ژنیگ لەناو تەمەن هەفتا ساڵە، دانیشتگ تەل ئەبیب، و لە ناڕەزایی دژوە حکومەت ناسیاس.

 دەسەڵاتەیل گومان دیرن کە ژنەگە نیاز خوەی ئاشکرا کردگە کە خوازێد سەرۆک وەزیرەیل بکوشێد، و تەقەلای جیوەجیکردن ئەو نیازە داگە وە بومبیگ دانریاگ، و پەیوەندی وەرد بڕیگ لە چالاکوانەیل بەشدار لە ناڕەزایەتیەیل کردگە وە تەقەلای ئەوە کە چەک بکەفێدە دەسی، هەمیش مینەی زانیاری لەبان ریکارەیل ئەمنی تایبەت وە سەرۆک وەزیرەیل کردگە.

لەبان داوای یەکەی لێکۆڵینەوە،   دادگا بڕیار هەڵگردن فەرمان قەیەغەی بڵاوکردن پرسەگە دا، لە وەختیگ هیمان قەیەغەی بڵاوکردن ناو و ناونیشان ژنەگە وەردەوامە.

 لە یەکەم کاردانەوەی سیاسی لەبان ئی باوەتە، يائير لابيد ریبەر ئۆپۆزسیۆن، لە بەیاننامەیگ وت: وە زبری شەرمەزار تەقەلای زیانرەسانن وە نتنیاهو سەرۆک وەزیرەیل کەم، بایەسە هەرکەسیگ تەقەلا داگە یا تەقەلا دەێد زیان وەپی بڕەسنێد دادکاری بکریەێد و وە ئەوپەڕی لە رکداری.