کوشیان ٤٠ کووچبەر وەرانوەر کناراوەیل ئیتالیا
2023-02-26T11:10:12+00:00
شەفەق نیوز/ ٤٠ کەس وەرانوەر کناراوەیل هەرێم کالابریا باشوور ئیتالیا، دویای نقومبوین کەشتییگ، کووچبەر نا یاسایی بار کردیە، گیانیان لەدەس دان.
ئاژانس خەوەری ئیتالیا، ئمڕوو یەکشەممە، وت: ٤٠ کووچبەر لەلای کەمەو گیانیان لەدەسدانە، دویای نقومبوین کەشتییگ، شەفەق ئمڕوو، وەرانەوەر کناراوەیل هەرێم کالابریا باشوور ئیتالیا، وەدویری ٢٠ کێلومەتر لە شار کروتونی.
وتیش: ٢٧ تەرم تا ئیسە دراوردنە، و نزیکەی ٢٠ کەسیش رزگار کریانە، وتیش: شمارەی فرەیگ لە کەسەیل ناو کەشتیەگە هیمان دیاریان نییە.
ئاژانسەگە وتیش: نزیکەی ١٥٠ - ٢٥٠ کووچبەر لە ئیران و پاکستان و ئەفغانستان لەناو ئەو کەشتیە بوینە، ک داگەسە سەنگەیل ناو دەریا و لەناو کەشوهەوای سەختیگ نقوم بویە.
وتیش: کار مینەکردن و رزگارکردن وەردەوامە، وەهاوکاری ناوبەین دەرەکی ئیتالیا و دەسەی یەندرەیل ئیتالیا.
