کوشیان و زەخمداری چوار سەرباز ئیسرائیلی وە تەقیان تونێلیگ بومبکریای باشوور غەززە

شەفەق نيوز/ سوپای ئیسرائیل، ئمڕوو یەکشەممە، کوشیان دوو سەرباز و زەخمداری دووان ترەک راگەیان، لە ئەنجام تەقیان تونێلیگ بومبکریای لە رەفەح باشوور کەرت غەززە.

سوپای ئیسرائیل لەبان تیلیگرام نویسان: لە رویداو کوشیان نەقیب نوعام رافیدو رەقیب یەکەم یالی سرور، سەربازیگ لە یەکەی (يهلوم)، لە چەک ئەندازیاری وە سەختی زەخمدار بوی.

وتیش: لە رویداویگ ترەک، سەرلزیگ یەدەکی لە کەتیبەی 7007، لیوای قودس شانزە، لەناو جەنگ لە کەرت غەززە رووژ شەممە زەخمدار بوی.

لە سای جەنگ وەردەوام لە کەرت غەززە، ڕاپۆرتەیل راگەیانن ئاشکرای ئامادەکاری نوو ئیسرائیل کەن، کە نشانەس ئەرا نزیکەوبوین سەختییگ زیاتر لەز جەنگە کە لە ئۆکتۆبەر 2023ەو وەردەوامە.

رووژنامەی "يديعوت ئەحرنوت" ئیسرائیلی وت: سوپا پەیام ئەرا داواکردن دەیان هەزار سەرباز یەدەکی کلکرد، وتیش، یەیش وڵڕحڵ باسکردن حکومەت ئیسرائیل لە بڕیار فراوانکردن شوینەیل ئۆپراسیۆن سەربازی لە کەرت غەززە تیەێد.