کوشیان و زەخمداری 70 کەس لەناو جەنگ لە باشوور سودان
شەفەق نيوز/ دەسەلاتەیل کۆمار باشوور سودان، کوشیان و زەخمداری دەیان کەس راگەیانن لە جەنگ ناوەین هیزەیل وەرگری جەماوەری و گەنجەیلیگ چەکدار، وەگەرد هوشداری لە شیواشیو ئەمنی لەو دەوڵەت نووە کە هیمان زیان لە ژاوەژاو وەخوەی دوینێد هەرچەن لە ساڵ 2018 رێککەفتن ئاشتی واژوو کریاس.
سیمۆن شوب میالیس وەزیر راگەیان باکوور باشوور سودان وت: ئەو رویداوەیلە لە بەش باکوور ناوچەی روینغ دەسوەپی کرد، هەناێ گەنجەیلیگ چەکدار هاتنە ناو ناوچەکە و پەس لەلی دزین وەرجەیە هیزەیل ئەمنی بکەفنە شوینیان.
میالیس لە قسەیلی ئەرا ئاژانس خەوەری فەرەنسا وت: ئەو چەکدارەیلە وە شمارەیگ گەورەتر لەی رووژەگە گلەو خواردن، و پەلامار ناوچەی ئەبييمنوم دان، کە گەنجەیل ناوچەگە و هیزەیل ئەمنی جەنگ وەردیان کردن.
وتیش: هیزەیل وەرگری جەماوەری باشوور سودان توەنستن ئەو کەسەیلە دویرەو بخەن، و ناوچەگە ئارامەو بوی.
وتیش: ئامارەگە رەسیە 30 کوشیای و نزیکەی چل زەخمدار.
میدیایەیل ناوخوەیی وتن: بەشیگ لە کوشیاگەیل لە گرووپەیل چەکدار بوین.
جی باسە کە دەوڵەت باشوور سودان کە لە ساڵ 2011 لە سودان جیاوە بوی، و هیمان زیان لە سەختی و نا ئارامی وەخوەی دوینێد.
