١٠٠ کوشیان لەلای کەمەو و دەیان بیسەروشۊن لە هیند و نیپال
شەفەق نیوز/ زیاتر لە ١٠٠ کەس لەوەر لافاوەیل و رمیان خاک ئەرا چەن رووژیگ لە هیند و نیپال کوشیان، ٢ هیمان دەیان کەس بیسەروشۊن مەننە.
لە ئەوتارخاند باکوور هیندستان، وەرپرسەیلیگ وتن: ٤٦ کەس لە رووژەیل گوزەیشتە کوشیان، و ١١ کەس بیسەروشۊن بۊین.
لە کیرالا لە باشوور، بینارای فیاجان سەرۆک وەزیرەیل ویلایەتەگە وت: ئامارەگە رەسیە ٣٩ کوشیان.
٣٠ کەسیش لەلای کەمەو لەوەر ٧ رووداو جیاجیا لە ناوچەی ناینیتال کوشیان، دۊیای ئەوە ک وارانەیل رفتیگ خاک ژیر ماڵەیلە رمانن.
و ٥ کوشیاگ لە یەک خیزان بۊین، و وارانەگە ماڵەگەیان نوقم کرد.
لە نیپال، هومکالا باندی، وەرپرس بەش وەڕێەوبردن کارەساتەیلە وت: لە سێ رووژ گوزەیشتە، ٣١ کەس وە لافاو و رمیان خاک لەوەر وارانەیل رفتیگ لە جوراوجور شۊنەیل وڵاتەگە کوشیان، و ٤٣ کەس بیسەروشۊن هەس.
وتیش: هیمان لە چەن شۊنیگ واران هەس، و ێیمەیش دیریمن ئامارەگە هەژمار کەیمن، ک شایەت لە هیند و نیپال هالە بەرزەوبۊن.
