٩٥٠ کوشیای لە ئامار نوویگ لە زەویلەرزەی ئەفغانستان
شەفەق نیوز/ ئامار قوربانیەیل ئەو زەویلەرزەی مەرگبارە ک دالە باشوور خوەرهەڵات ئەفغانستان، ئمڕوو چوارشەممە، رەسیە نزیکەی هەزار کوشیای، لەوەختیگ کارەیل رزگارکردن سەختی کەفتە وەریان وەگەرد واران.
دەزگای وەڕیەوبەررن کارەساتەیل لە ئەفغانستان وت: ٩٥٠ کەس تا ئیسە وە زەویلەرزەگە گیانیان لەدەسدانە، وهەمیش باس زیاتر لە ٦٠٠ زەخمدار کرد. وەرجەیە ئامارەیل باس کوشیان ١٣٠ کەس کردن، و وەزوی شمارەگە رەسیە ٢٥٠ ئیجا ٢٨٠ کوشیای، و وەرپرسەیلیگ مەزەنەی بەرزبوین شمارەگە زیاتر کردن.
لە وەخت زوییگ لە شەوەکی ئمڕوو چوارشەممە، زەویلەرزەیگ داگە باشوور خوەرهەڵات ئەفغانستان، وتونی زەویلەرزەگە رەسیە ٦،١ پلە، وەگەرد ئاژانس رۆیتەرز.
ویلایەت بکتیکا زەرەدمەنترین ناوچە بوی وە زەویلەرزەگە لە ئەفغانستان، و لە ویلایەت خۆست لە شانی قوربانی وزەرەد کەمتر توومار کریا.
رۆیتەرز وتیش: کار رزگارکردن ودراوردن تەرمەیل لەژیر رمیاگەیک وە یەواشیگ کەفێدە ری، وتیش؛ وارانەگە ئەو کارە سەختەو کرد.
