زەویلەرزەی تونیگ دەێد لە ئەفغانستان و دەیان کەس بوونە قوربانی

زەویلەرزەی تونیگ دەێد لە ئەفغانستان و دەیان کەس بوونە قوربانی
2022-06-22T07:02:24+00:00

شەفەق نیوز/ دەسەی ئیدارەی کارەساتەیل لە ئەفغانستان، ئمڕوو چوارشەممە، راگەیان هەرێم بەکتیکا و بەشیگ لە خوەرهەڵات وڵاتەگە تویش زەویلەرزەی "تونیگ" هاتیە ک وەلای کەم 130 کەس مردیە و تا ئیسە زیاتر لە 250 کەس زەخمدارە.  

سەرۆک دەسەگە محەمەد نەسیم حەقانی وت:" فرەیگ ئەو کەسەیلە گیان لە دەسدانە لە هەرێم بکتیکان"، وتیش" هەمیش ئاگادارکریانە لە گیان لەدەسدان لە هەرێم ننکرهار وخوست، لەهەمان وەخت دەسڵاتدارەیل لێکۆلینەوەی زیاتر لە قوڕبانیەیل کەن". 

دەزگایەیل راگەیانن خەوەردان" هەریەک لە پایتەخت ئەفغنستان ئسلام ئاباد، بەیگ لە هەرێم بنجاب، و ناوچەیل هاوسنوور وەگەرد ئەفغانستان هەس وە لەرزەگە کردنە.  

هەمیش دەسەی روپێوی جیولۆجی ئەمریکی باسکرد، " تونی زەویلەرزەگە 6.1 پلە بویە لە دویری 44 کیلۆمەتر لە شار خوست لە باشوور خوەرهەڵات ئەفغانستان وە قویلی 51 کیلومەتر رویدایە.

ناوەن توومارکردن زەویلەزەی ئەوروپای ناوراس لە تویتیگ لە تویتەر وت، 119 ملیۆن کەس لە پاکستان و ئەفغانستان و هند هەس وە لەرزەگە کردنە وە درویژایی نزیکەی 500 کم.

Shafaq Live
Shafaq Live