ئەور ئەڵاجەۊییگ لەبان کۊەیگ لە ئەمریکا دەرکەفێد

شەفەق نیوز/ ئەور ئەڵاجەۊییگ لەبان کۊەی "لێزی" لە ویلایەت ئەلاسکای ئەمریکا قسەوباس فرەیگ دروس کرد، و بەشیگ پرسیار کردن ک هاتی ئی ئەورە دۊای کەفتن فڕۆکەیگ یا چشت نادیاریگ یا چەکیگ رووسیا دەرکەفتیە.  

رووژنامەی "دەیلی میل" بەریتانی وت: ڤیدیۆ و وینەی فرەیگ لەبان سۆشیال میدیا بڵاو بۊ، ئەور نادیاریگ لەبان کۊەی  "LAZY" نشان دەن، و وەرپرسەیل ویلایەتەگە هاوردە دەنگ.   

یەکیگ لە کۆمینتەیلە نۊسان: لەبان ریمان وەرەو مەکتەو ئی چشتە دیمنە، ک مینێدە "نەیزەک" ، و کەسیگ تر پرسێد؛ پووڕێد یە چەکیگ نهێنی رووسیا وەگەرد جەنگ ئۆکرانیا بوود؟. 

دۊای ئەوە ک راپۆرتەیلیگ لە ئەگەر کەفتن فڕۆکە لەبان کۊەگە دەرکەفتن، پۆلیس ویلایەت ئەلاسکا لە بەیاننامیگ وت: هۊچ راپۆرتیگ لە کەفتن فڕۆکەیگ لەو شۊنە نیە.  

دۊای ئەوە، وەرپرسەیلیگ لە ویلایەت ئەلاسکا باس ئەو ئەورە کردن ک لێکۆڵینەوە ئاشکرا کرد ک فڕۆکەیگ بازرگانی، وەرجە چەن چرکەیگ لە توومارکردن ئەو وینە و ڤیدیۆیلە لەبان ئەو ناوچە بۊە، و هەڵمەگەی تەکان داگە.  

وتنیش: پەیوەندی وەگەرد ئەو فڕۆکە کریا، و وتیە هۊچ گرفتیگ لەناوی نیە، و هاڕیەو وەرەو فڕۆکەخانەی جۆن کنیدی لە نیویۆرک.