چوار مردن و ٨٣ تووشهاتن کۆڕۆنا لە ئیدارەی سەروەخوەیی
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو پەنجشەممە، راگەیان تۆمارکردن چوار مردن لەوەر ڤایڕۆس کۆڤید-١٩.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: مردنە نووەکان ئەرا دوو پیاو لە حەسەکە و قامیشلۆ و یەک پیاو و یەک ژن لە مەنبح تۆمار کریان.
موستەفا دووپات کرد ک ٨٣ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی تۆمار کریا.
تووشهاتنە نووەکان وەیجوورە بەشەو بوین: ١٢ قامیشلۆ، ٥ دێرک، ٣ کۆبانی، ٨ ریقە، ١٧ تەبەقە، ١٣ دێر زۆر، ٢ مەنبج، ١ شەهبا، ٦ کامپ هۆل، ١ کامپ نەورووز.
وهەمیش سێ تووشهاتن نوو تۆمار کردن.
جی باسە ک ژمارەی تووشهاتنەکان وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٦٩١١، لەلیان ٦٩٤ مردنە، و ١٧٣٩ خاسەو بوینە.
