وینەی سەرکردەیگ لە سوپای پاسدران وەگەرد ژنەگەی وە سەر پەتی بڵاو کریەێد
شەفەق نیوز/ ماڵپەڕەیل سۆشیال میدیا لە ئیران، وینەیل کۆنەیگ بڵاو کردن ک روسەم قاسمي، یەکیگ لە سەرکردەیل سوپای پاسدران ئیران و وەزیر نیشتەجیبوین لە حکومەت ئیبراهیم رەئیسی وەگەرد ژنیگ وە سەر پەتی لە مالیزیا نشان دەێد.
وەگورەی میدیایل راگەیانن ئۆپۆزسیۆن، عەلی جەعفەری راویژکار وەزیر روسەم قاسمی و وەڕیەوبەر نویسینگەی وت: ئی وینەیلە فرە کۆنەن، ک قاسمی وەگەرد ژنەگەی بویە، و رەخنە لە بڵاوکردنی گرد، گوایە کاریگ نا رەوشتیە.
ئەو وینەیلە بوینە قسە وباسیگ لەناو چالاکەانەیل، ک بەشیگیان وت: دەسەڵات ئیران چشتەیلیگ ئەرا خوەی هەڵاڵ کەێد و ئەرا مەردم حەرام کەێد.
کەسەیلیگ پشت قاسمی گردن، ئەوانیش وینەی ئەو ژنە ک لەشانی بوی وە سەر پووشیاگ بڵاو کردن، و رەخنەی ئەو کەسەیلە گردن ک خوازن ئەو سەرکردە ڕسوا بکەن، وتنیش: ئەو وینەیلە لە شوینیگ تایبەت گریایە، وئەرا بلاوکردن نەویە.
