وینە.. پاریس لەناو گەناڵخە نقوم بوود
2023-03-18T06:53:25+00:00
شەفەق نیوز/ دەسەڵاتەیل فەرەنسا وت: بڕ گەناڵخەی ناو جادەیل پاریس رەسیە ١٠ هەزار تەن، لەئەنجام دەس لەکارهەڵگردن کراکارەیل گردەوکردن زواڵە، هەرچەن تەقەلای فرەیگ هەس تا ناچار گلەوخواردن ئەرا کار بوون.
لە هەفتەی گوزەشتە بڕ گەناڵخەی ناو جادەیل رەسیە ٧٦٠٠ تەن، هەرچەن جیرالد دارمانان وەزیر ناوخۆ وت: کراکارەیل ناچار بوین ئەرا کار گلەو بخوەن.
ئەرا رادیۆی "ئار تي ئەڵ" وت: لە شەوەکی ئمڕووەو ئەوەسا زواڵە پاکەو کریەێد.
یاوەر سەرۆک شارەوانی پاریس وت هویچ چشتیگ ئاڵشت نەویە و ماشینەیل گردەوکردن زواڵە لە شوینەیل گشتی دیاریان نییە.
یە ١٣ رووژە کراکارەیل گردەوکردن زواڵە لە پاریس دەس لەکار هەڵگردنە و شوینەیل سزانن زواڵە بەسانە، ئەوەیش وە ناڕەزایی وەبان چاکسازی سیستەم خانەنشینی ک تەمەن خانەنشینی یاسایی لەی کەرتە لە ٥٧ ساڵە ئەرا ٥٩ ساڵ بەرزەو کەێد.
