سوخان گەپ دایناسۆریگ  وە نڕخ خەیاڵیێگ فرووشیا

شەفەق نیوز/ گەپترین سوخان ترایسیراتۆپس لە خانەی مەزاد لە پاریس  وە (7.7) ملێۆن دۆڵار فروشیا، ئەو کەسەی سوخانەگە سەندیە ئەمریکیە و خوەشی لە گردەوکردن ئی جوورە سوخانەێلە تیەێد.    

وەڕێوەرایەتی خانەی مەزادەگە لە بەییانامەگ لە پێگەی ئنتەرنیتی وت: وە کوچگبۊی ( بیگ جان) پیشبینی ئەکریا نرخەگەی لە نوان (1.4-1.7) ملیۆن دۆڵار بوود، باوەجی داوای مەردم لەبان سوخانەگە لە ر٦ تەلەفۆن و ئنتەرنیتەو هیشت نرخەگەی بەرزەو بوود، وە 7.7 ملیۆن دۆلار بفروشێد.      

ترایسیراتۆپس وە زوان لاتینی وە مانای 3 شاخ تێد، دایناسۆرەگە گیاخوەرە، وەرجە (66-84) ملێون ساڵ ژیاگە، 3 شاخ گەورە ها لەبان کەلەی سەریان دوان لە ناوچەوانی و سێەمیش لە بان لۊتی ناوی نریایە (بیگ جان) وەناو ئەو خاوەن زەۊیە ک سوخانەگە لەناوی دۊینریایە.  

شارەزایەێل ئۊشن، لەو ئەو وە کوچگبوۊێلە دینەسەو بیگومان بی وێنەیە، چۊینکە 66٪ لە ئێسکەێلی و 75٪ کەلەسەری جۊر خوەی وە خاسی مەنیە.