وە مدوو گورزەیل ئیران وەبان تل ئەبیب سێ کەس کوشیان ودەیان کەس زەخمداربوین

شەفەق نیوز/ دەزگایەیل راگەیانن ئیسرائیل خەوەردان لە کوشیان سێ کەس و زەخمداری دەیانکەس لەئەنجام گورزەیل مووشەکی ئیران وەبان تل ئەبیب، ئەرا جواو داین پەلامارەیل  ئیسرائیل لە تەهران.

ئیران  شمارەیگ مووشەک بان دەنگ وە ئاراستەی ئیسرائیل کلکرد، ناوچەی گرنگیگ لە تل ئەبیب کردیەسە ئامانج، لە وەرانوەر ئەو پەلامارداین ئاسمانیە لەبان شار ئیران.

میدیا عیبریەیل بڵاویانکردیە، شمارەیگ ئیسرائیلی لەناو باڵەخانەیل گیرکردنە کە وە مدوو مووشەکەیل ئیرانەو وەرەو ناوڕاس ئیسرائیل زەرەد وەپیان رەسیە، یەیش شەشەمین پەلامارداین ئیران بوی لەدویای دەسوەپیکردن شەڕ ناوەین تەهران و ئەلئەبیب.

شەوەکی  ئمڕ شەممە ڕادیۆی ئیسرائیلی راگەیان کە لە پەنجەمین پەلامار مووشەکی ئیران ناوەڕاس ئیسرائیل کردیەسە ئامانج مووشەکەیل لە ناوچەیل تەلئەبیب و لە شار ڕیشۆن لێزیۆن کەفتنە.